მიჩნეულია, რომ ქალები 40 წლის ზევით გაცილებით ძნელად იკლებენ წონაში, ვიდრე ახალგაზრდები. ეს მრავალი მიზეზით აიხსნება, როგორებიცაა: ზოგიერთი გენიტალური ფუნქციის დაქვეითება და მენოპაუზის დადგომა, მეტაბოლიზმის პროცესების შენელება, ორგანიზმის გენეტიკური თავისებურებანი, სხვადასხვა ქრონიკული დაავადებანი.
40 წელი , სწორედ ის ასაკობრივი ზღვარია, როცა აუცილებელია გარკვეული ცვლილებები და კორექციები შევიტანოთ ჩვენი კვების რეჟიმში.
1. ნაკლები კალორიები!
ასაკთან ერთად ცხოვრების წესი იცვლება და ჩვენი აქტიურობაც მცირდება, ამიტომ საჭიროა დღიური რაციონის კალორიულობის გადახედვა და მისი მნიშვნელოვნად შემცირება, განსაკუთრებით იმ შემთხვევაში თუ თქვენ ნაკლებად მოძრავი ცხოვრებით ცხოვრობთ და მთელ დღეებს ოფისში ატარებთ. შემცირებული მეტაბოლიზმი კვების ძველი რეჟიმის შენარჩუნების პირობებში ხელს შეუწყობს წონის მომატებას, იწვევს ჰორმონალურ დარღვევებს და ზედმეტ ტვირთად აწვება გულსა და სისხლძარღვებს. მსგავსი პრობლემების თავიდან ასაცილებლად მიირთვით რეგულარულად, თუმცა შეამცირეთ პორციები.
2. ნაკლები ცხიმი!
საუბარია არა ზოგადად ცხიმებზე, არამედ ცხოველურ ცხიმებზე, რომელთა შემცირება მინიმუმამდეა საჭირო. მიირთვით თევზი, თხილი და მზესუმზირა ან სასარგებლო ცხიმები, თუნდაც ზეითუნის ზეთი, რადგან ეს პროდუქტები არ ზრდის ქოლესტერინის დონეს და დიდი ხნით შეუძლიათ თქვენი ჯანმრთელობისა და სილამაზის შენარჩუნება.
3 . შეზღუდვა კვებაში!
წონის მატება მუდამ ენერგეტიკული დისბალანსის ფონზე ვითარდება, რის გამოც სხეულის მასის დაკლების მიზნით აუცილებელია კვების რაციონის ენერგეტიკულ ფასეულობათა შეზღუდვა. ამის გარდა – ჭარბი საკვები იწვევს დაღლილობას და შრომის უნარის დაქვეითებას. მიირთვით მეტი უჯრედისით გაჯერებული საკვები, რომელსაც ყველაზე დიდი რაოდენობით შეიცავს ბოსტნეული.
4. სწორი ცილები!
ადამიანის ორგანიზმი აქტიურად 25 წლამდე იზრდება და სწორედ ამ პერიოდში სჭირდება მას ყველაზე მეტად ცილები, როგორც უჯრედების მთავარი "სამშენებლო მასალა". მოგვიანებით, აუცილებელია რაციონის გადახედვა და ორგანიზმის საერთო მდგომარეობის გათვალისწინებით ცილების და სხვა ნუტრიენტების შემცირება (დღე-ღამეში არ უნდა აღემატებოდეს 90 გრამს). ყურადღება მიაქციეთ ცილების ხარისხსაც, შეიტანეთ თქვენს რაციონში ნაკლებად ცხიმიანი ხაჭო და სხვა რძის პროდუქტები, ასევე თევზი და ქათმის ხორცი, რომელიც არა მარტო ადვილად გადასამუშავებელია, არამედ ნაკლებ კალორიებსაც შეიცავს.
